არგფო სისტემატიურად ატარებს სემინარებს ფსიქოლოგიურ კონსულტირებასა და ფსიქოთერაპიაში. სემინარის პროცესში მონაწილეები პრაქტიკული ჩვევების გარდა ითვისებენ ისეთ მიმდინარეობებს, როგორიცაა:

• ფსიქოდინამიკური მიდგომა
• კლიენტზე ცენტრირებული არადირექტიული ფსიქოთერაპია
• გეშტალტ–თერაპია
• ბიჰევიორალურ–კოგნიტური მიდგომა
• ნეიროლინგვისტური პროგრამირება
• ეგზისტენციალური ფსიქოთერაპია და სხვა.

2002–2004 წლებში არგფომ ჩაატარა 240 საათიანი სემინარები ფსიქოლოგიურ კონსულტირებასა და ფსიქოტერაპიაში. სემინარი განხორციელდა ახალგაზრდა ფსიქოლოგთა ასაოციაციის ორგანიზებით. ამ სერტიფიცირებულ კურსში მონაწილეობა მიიღო 20–მა ფსიქოლოგმა.

2007 წლის სექტემბერში არგფო–მ ჩაატარა პროფკონსულტაციისა და კარიერის დაგეგმვის სწრაფი, ორკვირიანი კურსი (ხანგრძლივობა: 60 საათი). სემინარი განხორციელდა საქართველოს განათლების სამინისტროს, გერმანიის სახალხო უნივერსიტეტების ასოციაციისა  და მიგრაციის საერთაშორისო ორგანიზაციის მხარდაჭერით.

2006–2007 წლებში ადამიანის რესურსების განვითარების ფონდმა ჩაატარა სემინარი წარმატების ფსიქოლოგიურ კონსულტირებაში. სემინარი მოიცავდა 160 სთ–ს  და მონაწილეთა რაოდენობა შეადგენდა 14 დაინტერესებულ პირს.